أقولك أيه … ؟؟؟
وعشت سنين …
وانا ف الغربه وحدانى
أشابطها … تشابطنى
وتقتل فيا وجدانى
وحتى الحلم مش باحلم
بتدبح فيا أحلامى
وأيامى …
بتسرق عمرى
واعرفها من التصاوير
دعكت الطرق ف المشاوير
عرفت البيضه والشقرا
قابلت القمحى والسمرا
مفيش مره
عجزت ف وصف أى حنين
لغاية شعرى مااتبدل
وعمرى عدى سكاتى
يادوب غفله
هاكون فوق سلم الخمسين
وشفتك انتى حبيتك
وجيت اوصف
لقيت الفكر متبعتر
ومش قادر على وصفك
عرفت ساعتها ان خلاص
مافيش ف الدنيا أوصافك
رموشك نبض شريا نى
عيونك
سهم ومعشعش
ف وجدانى
ويااااااااااااااااه
من بسمتك ليا
تاخدنى لسكه
مفروشه أمل وحنين
ـــــــــــــــــــــــــــــــــــــــــــــــــــــــــ
التصنيفات : غير مصنف |
