مدونة الشاعر اكرم عبد السميع

أخر مشوار

قى رثاء والدى / رحمه الله

على طول بتسافر

وطويت السكك الوعرانة لسنين طوال

سبعين سنة عَدِّت

واتمدت فيها الأحزان

ولا عُمري سمعتك قلت الآه

بتشابط كل دروب اليأس

والاقيهم دايماً يرفعوا إيدك

إنك فايز

وباحسك عايز

طول العمر تكون رحّال

كان آخر مرّة سافرت الشهر الفات

خطواتك ضاقت

مش زي الأول

دا أنا كنت باشوفك

تحصد كل خطاوي تعنقل رجلك

ولا كان يهمّك برد ورعد

ولا كنت تخاف من رياح الخماسين

على طول أنا شايفك

فارس ف الخمسة وتلاتين

بس المرّة دي

كان باين

إن دراع الزمن مشبّح فوق عراقيبك

مع إنك واتق

زي الجبل الغربي

مهما تكسِّر فيك لسنين

برضه متين ..

بتجرجر رجلك وتعاند

وباشوفك ساند

فوق سراديب الأمل إيديك

وعنيك ..

مليانة آيات .. تحتاج تفسير

والله ما كنت مصدّق

المزيد

               السراب

كتبت بالدمع تنادينى

يكفينى بعدا .. يكفينى

قد مات الفرح .. فما عادت

احلام الحب تناجينى

النوم تناثر من عينى

ودموع الفرقه تكوينى

هل ترجع يوما يا عمرى ؟

تروى بالحب بساتينى

للثغر تعود بشاشته

وكؤوس الفرحه تسقينى

احلى الايام الى قلبى

يوما أدعوك .. فتأتينى

هزت بسطور رسالتها

شريان القلب .. وتكوينى

وعزمت العوده فسمعت

دقات جهاز ( التلفون)

فرح وعروس وزفاف

من كان الاّن ينادينى

                                     الكويت

                                             28/12/1996

المزيد

            يا عبسميع

عبد السميع ..

نفّض تراب القبر

عن كتفك ..

وذيع ..

النجع دا من بلْوِتُه

محتاج لـميت مليون مُذيع

الجهل عشعش وانطرح

والحقد ف قلوب الجميع ..

وف حبّنا

لو قلنا مرّة نحب

نتبهدل .. نضيع

والفتنة فاردة شعرها

من كترها .. يا عبسميع.

النجع دا منزل قديم

نبشت ف أكوامه القطط

لو قلت : بينا نرمِّمُه

هيقولوا: ما تبطَّل عَبَط !!

عشرين سنة يا عبسميع

وانا اقول لهم :

إوعوا الغلط

والناس هنا متْنيِّلَة

والعقل ف مخاخهم زَلَط

سابوا القطط تنهش

في عفتهم

المزيد

                   عاوز اتوه فيكى

سلاّع نخيلِك يا بلد

ساكن ف شرياني

يا دوب أشمّ الفرح

أغرق ف أحزاني

مكتوب عليّا الشقا

حتّى ف أحضانك

عايش ليالي الأسى

باحلم بأحلامك ..

فرفط ف قلبي الأمل

مدبوح بسكينك

يا سكة متقفلة

بالضبّة والـمفتاح

أزرع صباح الأمل

المزيد

    انا مش ناسيكى

مِن بين عيدان القصب

يا امايا

باندهلك

سبتيني ليه ؟

وسكنتي قال آخر ما يرسى الريح

مع إني انا أصغر ما في اخواتي

ومحتاجك

مش كنتي دايماً عني بتقولي:  

آخر العنقود

طب ليه رضيتي بفرقتي ؟!

وأنا قلبي بيرفرف على ضمة حنان

دا ايام زمان

ساعة ما كنتي تغمِّسي بالصبر

مُرّ الأمنيات

كانت عنيكي تضمّنا

وتقولنا أحلى الكلام

طب مات زمان الحزن

ليه بتعددي على حزن مات ؟

تفتكري ممكن غربتك

تقتل سنين ؟

دايماً يموت على أرضها عِرْش ^([1]) المقات ^([2])

يا امايا .. يا ساكنة جوايا

وحاضن اسمها دراع الوريد

المزيد

                          العته

من عهد قديم

وانا شايف ف ايديكي غوايش

من عَرَق الناس الشقيانه

والغرقانة

ف بحور الخوف

وانا برضه باشوف

في طريقك مليون زليقة توقعني

وتلبسني جلابية طين

والـبـني آدمين

بلسان معقود

ليه لابسة عقود

ملفوفة بخيط من الشريان

يا زمان توابيت مليان أفكار

والعقل احتار

وأنا شايفُه ملتم بالحواديت

والحلم ف نومك بتعضعض فيه العفاريت

مليان كوابيس

دبابيس

بتتكتك كل النَّاس

وانا لسه مِآمِنْ بالإحساس

المزيد

        ما يهمكيش

إوعاكي مرّة تفكري

ف اللي يقولوه

خليكي نجمة في السما

متقربيش

خليكي طير

دايماً يرفرف ف الفضا

تزعق عليه الألسنة

لو مِيْت سنة .. ما يهمهوش

سيبي اللي يزعق ينفلق

وماتسأليش..

أنا قلبي بس

هو اللي عارف إن قلبك

فيه جراح

علشان بيحضن جوا صفحة دفتره

كلمة سماح ..

تلقيني لما أكلّمه

المزيد

جيتك وانا مليان عشم

ألقى الغشم

طبّق ربابه من زمان

والقى المكان هوّ الـمكان

” الخرسة “.. و” النبقة “.. و” نخلة أسمينة“ ^([1])

وتخديرة فلان

جيتك وانا نفسي ألاقي

قلبي يفرفط بالحنين

عطشان أتوه بين السواقي

وبين شادوف حابس دموعه من سنين

وبين محاريت البقر

واطلع على كتاف النخيل

واقطع شماريخ البلح

ولا عمري أخاف من تكة السلاّع

وأنا حافي

عشمان أنا

ألقاكي لسه تزرعي شجر العفاف

قوم لـمّا أفوت

ما اسمعش صوت الخربشة بين البيوت

مايكنش أبداً من دهب كل السكوت

قَرّبت ناحية سكّتك

حسّيت بجسمي بيتنفض

المزيد

قاعد على حيلي ومقرفص

والبرد يغزغز ف جنابي

والبنت امّ التوب عنّابي

والطرحة الكحلة ^([1]) الجرجية

والفرن البلدي ومنطاله^([2])  

في عونها ^([3]).. وفارد رجليه..

وأنا قاعد سرحان ف أيامي

متحامي ف قلب السّهراية

قدامي الدمسة ^([4]) وبتفرفط

فوق منها النار الشرقانة ..

وفوقيَّة شمس الصَّبَحِيَّة

مكسوفة ودايماً تدَّارى

وأنا باصص ليها وباحاول

أحايلها بنورها تغطيني..

وسنيني حزمة برسيم

بتقرطف^([5])  فيها الأحزان

ولقيتلك عقلي بيتشقلب

وينتور فيّا الأفكار

الدود ف عيون الجبّانة

ياكل من لحمي ومصاريني

ولا يمكن ياكل ف لساني

أصل لساني دا طبعاً مُرّ

والحُر مشرّك خلقاته

ومكسّر خشباته الضيق

وطريق مش عارف يوصلُّه

ولا لاقي ف الوحدة صديق

وحريق متمطّع قدّامه

وديابة بتعوي ومطاريد

صعبانة عليّا يا شجرة سنط

مفروشة بريش الغربان

وحبال النّورج ^([6]) تتخبّل

وتخبّل فيّا الأفكار

وجالوس الطين المتكوِّم

من بدري جُوّا الشريان

يا زمان .. ما تبطّل وكفاية

المزيد